नियाल्न छाडीदेउ

नियाल्न छाडीदेउ

क्षितिज पारीको
सुन्यतामा नियाल्दै
कोही आउने प्रतिक्षामा
लोलायका तिम्रा आँखा
सायद
थाकिसकेको हुनुपर्छ
कयौ यामहरू बितेर गए
कयौ वसन्तहरूले आफ्नो
नौ रंगी काँचुली पनि फेरे
तर
उ भने फर्केर आउँदै आएन
अझै तिमी एकआग्र भएर
त्यही क्षितिज नियाल्दैछौ?
छाडीदेउ..
त्यो क्षितिज नियाल्न
त्यसले सुखहैन
दुख दिनेछ तिमीलाई
त्यसले हाँसोहैन
आँसु दिनेछ तिमीलाई
त्यो क्षितिज निष्ठुरी छ
त्यसले चासोहैन
पासो दिनेछ तिमीलाई
म त त्यो क्षितिजमा
ज्यनमारा सुनामीको
छालहरू देख्दैछु
ज्वालामुखीको विशाल
बिष्पोटहरू देख्दैछु
अनि
घनघोर मडारिएको
कालो बादलहरू देख्दैछु
त्यसैले
तिम्रो जीवनमा त्यसले
कयौ रेक्टर स्केलको
भुकम्प ल्याउन सक्छ
तिम्रा हजारौँ सपनाहरू
सिसाझैँ चकनाचुर हुनसक्छ
अनि तिम्रा चाहनाहरू
मृगतृष्णा बनेर
छटपटिन सक्छ

सनम गोले
दामन मकवानपुर
हाल मलेशिया